Bizning Instagram

Bizga yozing

Клиника для взрослых и детей

Bosh sahifa → Ommaviy shartnoma

Pullik tibbiy xizmatlar ko‘rsatish bo‘yicha ommaviy oferta shartnomasi

Toshkent shahri
O‘zbekiston Respublikasi Fuqarolik kodeksining 369-moddasi hamda O‘zbekiston Respublikasining “Elektron tijorat to‘g‘risida”gi Qonuniga muvofiq, ushbu hujjat jismoniy shaxslarga yo‘naltirilgan rasmiy, ommaviy va qaytarib olinmaydigan taklif (oferta) hisoblanadi. Ustav asosida faoliyat yurituvchi direktor Zaxidova Nodira Erkinovna (ZAXIDOVA NODIRA ERKINOVNA) nomidan ish yurituvchi «DEFACTUM LABORATORIES» MChJ quyida ko‘rsatilgan shartlar asosida pullik tibbiy xizmatlar ko‘rsatish bo‘yicha shartnoma tuzishni taklif etadi:
• Mazkur hujjat — https://defactum.uz/ sahifasida Internet tarmog‘ida e’lon qilingan ommaviy oferta bo‘lib, tanishib chiqish uchun axborot stendida, shuningdek boshqa usullar orqali taqdim etiladi va Klinikaga tibbiy xizmat olish uchun murojaat qilgan har bir Bemor/Buyurtmachiga nisbatan qo‘llaniladi.
• Mazkur ofertaning to‘liq va so‘zsiz aksepti Bemor/Buyurtmachi tomonidan ushbu shartnomaning 4-bo‘limida belgilangan tartibda Ijrochi tomonidan ko‘rsatiladigan tibbiy xizmatlar uchun birinchi to‘lovni amalga oshirish hisoblanadi.
• Ofertani aksept qilish Bemor/Buyurtmachining ushbu taklifning barcha shartlariga roziligini anglatadi va Klinika bilan tibbiy xizmatlar ko‘rsatish bo‘yicha yozma shartnoma tuzishga tenglashtiriladi.
• Oferta Klinika tomonidan ko‘rsatiladigan barcha tibbiy xizmatlarga tatbiq etiladi.
• Mazkur oferta-shartnomaning ushbu tahriri klinika saytida https://defactum.uz/ e’lon qilingan paytdan boshlab kuchga kiradi va u rasman bekor qilingunga yoki yangi tahrirdagi oferta tasdiqlanguniga qadar amal qiladi.

1.1. Ijrochi (Shartnoma matnida — Klinika) — O‘zbekiston Respublikasi Sog‘liqni saqlash vazirligi tomonidan 24.10.2019 yilda berilgan 02518-sonli litsenziya asosida faoliyat yurituvchi «DEFACTUM LABORATORIES» MChJ. Mazkur litsenziya 09.04.2029 yilgacha amal qiladi.

1.2. Buyurtmachi — ushbu shartnomaga muvofiq Bemor foydasiga pullik tibbiy xizmatlarni buyurtma qilish (sotib olish) niyatida bo‘lgan yoki ularni buyurtma qilayotgan (sotib olayotgan) jismoniy shaxs bo‘lib, mazkur ommaviy ofertada nazarda tutilgan shartlar asosida Ijrochi bilan shartnoma tuzgan shaxs hisoblanadi. Buyurtmachi ushbu Shartnoma bo‘yicha tibbiy xizmatlar uchun to‘lovni amalga oshiruvchi tomon hisoblanadi. Buyurtmachi va Bemor bir shaxsning o‘zi bo‘lishi mumkin.

1.3. Bemor — iste’molchi bo‘lib, Ijrochi tomonidan mazkur Shartnoma hamda unga kiritilgan qo‘shimcha va ilovalarda belgilangan hajm va tartibda bevosita tibbiy xizmatlarni oluvchi jismoniy shaxs hisoblanadi. Bemor va Buyurtmachi bir shaxsning o‘zi bo‘lishi mumkin.

1.4. Tomon — alohida holda Buyurtmachi, Bemor yoki Klinika deb ataluvchi shaxs.

1.5. Tomonlar — bir tomondan Buyurtmachi va/yoki Bemor, ikkinchi tomondan esa Klinika birgalikda shunday nomlanadi.

1.6. Pullik tibbiy xizmatlar narxlar ro‘yxati (prays-list) — xizmat ko‘rsatilayotgan paytda amal qiladigan tibbiy xizmatlar ro‘yxati va ularning narxlari bo‘lib, Ustav asosida faoliyat yurituvchi «DEFACTUM LABORATORIES» MChJ direktori tomonidan tasdiqlanadi. Narxlar ro‘yxati Klinikanning rasmiy veb-sayti https://defactum.uz/ hamda Klinika axborot stendlarida ochiq tanishish uchun taqdim etiladi.

2.4. Tibbiy ko‘rsatmalarga ko‘ra, Bemor (Buyurtmachi) bilan oldindan kelishmasdan, bunday kelishuvni xizmat ko‘rsatishdan oldin amalga oshirish imkoni bo‘lmagan yoki qiyin bo‘lgan hollarda, davolovchi shifokor Bemor (Buyurtmachi)ga ko‘rsatiladigan tibbiy xizmatlar ro‘yxatini kengaytirish zarurligi to‘g‘risida qaror qabul qilishi mumkin. Bunday xizmatlar uchun to‘lov Bemor (Buyurtmachi) tomonidan mazkur Shartnomaning 4.2-bandiga muvofiq to‘liq hajmda amalga oshiriladi.

2.5. Mazkur Shartnomani bajarishda Tomonlar O‘zbekiston Respublikasi amaldagi qonunchiligiga, jumladan tibbiy muassasalar tomonidan aholiga pullik tibbiy xizmatlar ko‘rsatishni tartibga soluvchi huquqiy normalarga amal qiladilar.

2.6. Tibbiy xizmatlarni ko‘rsatish muddatlari va vaqti Bemorni davolovchi shifokor qabuliga yozish vaqtida yoki Bemorni Klinikaning tibbiy axborot tizimida ro‘yxatdan o‘tkazish paytida kelishiladi.

8. BOSHQA SHARTLAR

9. MAXFIYLIK

6. TOMONLARNING JAVOBGARLIGI

3.1.5. Tibbiy xizmatlar ko‘rsatish jarayonida yuzaga kelishi mumkin bo‘lgan asoratlar haqida Bemorni xabardor qilish.

3.1.6. O‘zbekiston Respublikasi qonunchiligida belgilangan tartibda Bemoriga konsultativ varaqa yoki boshqa tibbiy hujjatlarni taqdim etish.

3.1.4. Bemorni ko‘rsatilayotgan tibbiy yordam, davolash usullarining samaradorligi, qo‘llanilayotgan dori vositalari va tibbiy buyumlar haqida ishonchli ma’lumotlar bilan ta’minlash.

3.1.1. Buyurtmachi va Bemor bilan kelishilgan, Prays-listga kiritilgan tibbiy xizmatlarni ko‘rsatish.

3.1.2. Bemorni xizmat ko‘rsatish uchun zarur bo‘lgan tibbiy hujjatlarni rasmiylashtirish, jumladan Bemor buyurtma varaqasi hamda zarurat tug‘ilganda tibbiy (ambulator) karta — konsultativ varaqani yuritish.

3.1.3. Ob’ektiv sabablarga ko‘ra (mutaxassisning kasalligi, ta’tili va boshqalar) mazkur Shartnoma doirasida tibbiy xizmatlarni bajarishga to‘sqinlik qiluvchi holatlar hamda xizmat ko‘rsatishni qayta boshlashning mumkin bo‘lgan sanasi haqida Buyurtmachini xabardor qilish.

3.1.7. Klinikaga tibbiy xizmatlar ko‘rsatish faoliyatini amalga oshirish uchun berilgan ruxsat beruvchi hujjatlar — tibbiy xizmatlar ko‘rsatish litsenziyasi, shuningdek Klinika ijrochi sifatidagi boshqa ma’lumotlar bilan tanishish imkoniyatini ta’minlash, bu esa Bemorning Klinikaga murojaat qilish bo‘yicha ongli qaror qabul qilishi uchun zarur bo‘lgan hajm va mazmunda bo‘lishi lozim.

3.1.10. Tibbiy xizmatlar ko‘rsatilishi jarayonida Buyurtmachi klinikaga murojaat qilgan paytda kelishilmagan qo‘shimcha tibbiy xizmatlar zarurligi haqida Bemorni xabardor qilish. Qo‘shimcha xizmatlar alohida Buyurtma varaqasi orqali rasmiylashtiriladi, mazkur Shartnomaning 2.5-bandida ko‘rsatilgan holatlar bundan mustasno.

Ish rejimi haqida ma’lumot, aloqa telefoni, tibbiy xizmatlarni bevosita ko‘rsatuvchi shifokor-mutaxassislar, ularning ma’lumoti va malakasi to‘g‘risidagi ma’lumotlar.

3.1.8. O‘zbekiston Respublikasining “Shaxsiy ma’lumotlar to‘g‘risida”gi Qonuniga rioya qilish, ularni qayta ishlash tartibini ta’minlash, shu jumladan tibbiy axborot tizimlarida shaxsiy ma’lumotlar maxfiyligini saqlash.

3.1.9. Tibbiy sirni tashkil etuvchi ma’lumotlarni himoya qilish.

3.2. Bemor, mazkur Ommaviy oferta-shartnoma shartlarini qabul qilgan holda, quyidagi majburiyatlarni o‘z zimmasiga oladi:

3.2.6. O‘z shaxsiy ma’lumotlarini qayta ishlashga Klinika tomonidan rozilik berish.

3.2.7. Tibbiy aralashuvni talab qiladigan tibbiy xizmatlar ko‘rsatilganda, Klinikaga tibbiy aralashuvga oid xabardor qilingan ixtiyoriy rozilikni taqdim etish.

3.2.5. Davolovchi shifokorning barcha tibbiy tavsiyalari va tayinlovlarini qat’iy bajarish, unga zarur ma’lumotlarni taqdim etish hamda sog‘liq (holat)dagi o‘zgarishlar haqida o‘z vaqtida xabar berish.

3.2.1. Tibbiy xizmatlar ko‘rsatilishi jarayonida zarur bo‘lgan hollarda, shaxsni tasdiqlovchi hujjatni Klinika xodimlariga taqdim etish.

3.2.2. Mazkur Shartnomaning 4-bo‘limida belgilangan shartlarga muvofiq Ijrochining xizmatlari uchun to‘lovni o‘z vaqtida amalga oshirish.

3.2.3. Belgilangan tibbiy xizmatni olish (ko‘rsatish) vaqtini bekor qilish yoki o‘zgartirish zarurati haqida Klinikani oldindan, lekin kamida 24 soat oldin xabardor qilish.

3.2.4. Tibbiy xizmat ko‘rsatilishidan oldin shifokor/tibbiyot hamshirasini o‘tkazilgan kasalliklar, ma’lum allergik reaksiyalar hamda davolash natijasiga ta’sir qilishi mumkin bo‘lgan boshqa omillar haqida xabardor qilish.

3.2.8. Klinikaning boshqa bemorlari va tashrif buyuruvchilariga, shuningdek tibbiy va xizmat ko‘rsatuvchi xodimlarga hurmat bilan munosabatda bo‘lish, umumqabul qilingan odob-axloq va xulq-atvor qoidalariga rioya qilish (xodimlarga nisbatan noo‘rin jismoniy harakatlar qilmaslik, Klinika mulkiga zarar yetkazmaslik, ovozni ko‘tarmaslik, haqorat qilmaslik, Klinikaga alkogol yoki narkotik mast holatda kelmaslik, o‘zi bilan hayvon olib kirmaslik va boshqalar).

3.3.3. Bemor hayotiga xavf tug‘diruvchi shoshilinch holatlar yuzaga kelganda, tashxis qo‘yish va birinchi tibbiy yordam ko‘rsatish uchun zarur bo‘lgan tekshiruvlar va tibbiy muolajalar hajmini mustaqil ravishda belgilash.

3.3.1. Mazkur Shartnoma bo‘yicha o‘z majburiyatlarini bajarish uchun zarur bo‘lgan har qanday ma’lumotni Buyurtmachi (Bemor)dan olish. Agar Buyurtmachi (Bemor) tomonidan ma’lumotlar taqdim etilmasa, to‘liq yoki noto‘g‘ri taqdim etilsa, Ijrochi barcha zarur ma’lumotlar olingunga qadar Shartnoma bo‘yicha o‘z majburiyatlarini bajarishni to‘xtatib turish huquqiga ega.

3.3.2. Bemorning sog‘lig‘i holatiga muvofiq davolash muddatini va tibbiy xizmatlar hajmini belgilash.

3.3.6. Buyurtmachi tomonidan ushbu Shartnomaning 4-bo‘limi qoidalari buzilgan taqdirda, Bemor uchun xizmatlar ko‘rsatishni to‘xtatib turish.

3.4.1. Klinikadan ushbu Shartnoma bo‘yicha o‘z majburiyatlarini lozim darajada bajarishni talab qilish.

3.4.2. O‘zbekiston Respublikasi qonunchiligiga muvofiq, shifokorning roziligi va uning ish vaqti mavjudligini hisobga olgan holda, Ijrochi tarkibidan davolovchi shifokorni tanlash.

3.4.3. Profilaktika, diagnostika, davolash va boshqa xizmatlarni sanitariya-gigiyena talablariga mos sharoitlarda olish.

3.4.4. Shifokor-mutaxassislar konsultatsiyalarini olish, jumladan Bemorning iltimosiga binoan shifokorlar konsiliumini o‘tkazish.

3.4.5. O‘z sog‘lig‘i holati to‘g‘risida ma’lumot olish hamda Bemor manfaatlari yo‘lida ushbu ma’lumotlar kimlarga berilishi mumkinligini yozma ariza asosida belgilash.

3.4.6. Tibbiy sirni tashkil etuvchi ma’lumotlarni himoya qilish.

3.4.7. Tibbiy hujjatlar bilan tanishish, O‘zbekiston Respublikasi qonunchiligi va mazkur Shartnomada belgilangan tartibda o‘tkazilgan tekshiruv natijalari, davolash choralari va zarur tavsiyalar ko‘rsatilgan tibbiy xulosalarni olish.

3.5.1. Qo‘shimcha (ixtisoslashtirilgan) tekshiruv usullarini o‘tkazish zarurati yuzaga kelishi mumkinligini, bunday diagnostik yoki davolash tadbirlari Klinika tomonidan alohida to‘lov asosida amalga oshirilishini.

3.5.2. Klinika Buyurtmachi (Bemor)ga tibbiy xizmatlar natijalariga erishish va ularni saqlab qolishga qaratilgan barcha tayinlovlar, ko‘rsatmalar va tavsiyalarga, jumladan qabul/ko‘riklarga kelish vaqti va sanasiga rioya qilish, kun tartibi, dori vositalarini qabul qilish rejimi va boshqa cheklovlarga amal qilmaslik, shuningdek mavjud kasalliklar va/yoki patologiyalar haqida o‘z vaqtida xabar bermaslik ko‘rsatilayotgan pullik tibbiy xizmat sifatini pasaytirishi, uni belgilangan muddatda yakunlashning imkonsiz bo‘lishiga yoki Bemor sog‘lig‘iga salbiy ta’sir ko‘rsatishi mumkinligi haqida Buyurtmachini xabardor qilganini.

3.5.3. Tibbiy hujjatlar nusxalari (yoki ulardan ko‘chirmalar) Bemorning shaxsiy murojaati asosida bepul tarzda qog‘oz ko‘rinishda yoki elektron shaklda taqdim etilishi mumkinligini.

4.1. Bemorga ko‘rsatiladigan tibbiy xizmatlar narxi xizmat ko‘rsatilgan sanada amal qilayotgan Prays-listga muvofiq belgilanadi. Ko‘rsatiladigan xizmatlar ro‘yxati va ularning qiymati Bemor Buyurtma varaqasida hamda Buyurtmachi/Bemorga beriladigan kassa chekida ko‘rsatiladi.

4.4. Klinika Prays-listga o‘zgartirishlar kiritish orqali tibbiy xizmatlar ro‘yxati va narxlarini ushbu Shartnomaning 8.2-bandida belgilangan tartibda o‘zgartirish huquqiga ega.

5.1. Tibbiy xizmatlar Klinikaning barcha filiallarida ko‘rsatiladi, ularning manzillari bilan www.defactum.uz saytida tanishish mumkin.

5.2. Klinika ushbu Shartnoma bo‘yicha xizmatlarni Klinika ma’muriyati tomonidan belgilanadigan ish kunlari va ish soatlarida amalga oshiradi. Bu haqda Bemor Klinika ichidagi axborot stendi va/yoki rasmiy veb-sayt orqali xabardor qilinadi.

5.3. Tibbiy xizmat ko‘rsatishda Bemor qabul qilinishi Klinika tibbiy xodimi tomonidan Bemor kartasi va Buyurtma varaqasi Klinikaning tibbiy axborot tizimida rasmiylashtirilgandan so‘ng amalga oshiriladi.

5.4. Agar Bemor 15 (o‘n besh) daqiqadan ortiq kechiksa, boshqa bemorlar huquqlarini buzmaslik maqsadida Klinika joriy vaqtda xizmat ko‘rsatishni rad etish va qabul vaqtini shu yoki boshqa kun ichidagi bo‘sh vaqtga ko‘chirish huquqiga ega.

5.5. Klinika xizmat ko‘rsatish vaqtini kamida 12 soat oldin Bemorni yangi vaqt haqida xabardor qilish sharti bilan o‘zgartirish huquqini o‘zida saqlab qoladi.

5.6. Klinika laboratoriya tahlillari natijalarini berish muddatini quyidagi hollarda uzaytirish huquqiga ega:

1. natijalar tasdiqlash yoki qayta tekshiruvdan o‘tkazishni talab qilganda;

2. fors-major holatlar (elektr energiyasi uzilishi, uskunaning ishdan chiqishi va boshqalar) yuzaga kelganda.

Bunday hollarda Klinika albatta Bemorni kechikish sababi (yoki tahlilni bajarish imkonsizligi) hamda natijalar berilishining taxminiy yangi muddatlari haqida xabardor qiladi.

6.1.1. Bemorga ko‘rsatiladigan tibbiy xizmatlarning sifati, hajmi va muddatlari uchun, bundan tashqari muddatlarga Klinika bog‘liq bo‘lmagan sabablarga ko‘ra rioya etilmagan holatlar mustasno.

6.1.2. Tibbiy-diagnostik jarayon davomida yuzaga kelishi mumkin bo‘lgan nojo‘ya holatlar yoki asoratlar haqida Bemorni ishonchli va o‘z vaqtida xabardor qilish uchun.

6.2.1. Mazkur Shartnoma hamda unga ilova/qo‘shimchalarga muvofiq ko‘rsatilgan tibbiy xizmatlar uchun to‘lovni o‘z vaqtida amalga oshirish uchun.

6.2.2. Bemor sog‘lig‘i holati, o‘tkazgan kasalliklari, ma’lum allergik reaksiyalari va qarshi ko‘rsatmalar haqida shifokorga taqdim etilgan ma’lumotlarning to‘g‘riligi uchun.

6.2.3. Bemor tomonidan tibbiy xodimlarning davolash bo‘yicha barcha talab va tavsiyalariga rioya qilinishi yoki rioya qilinmasligi, shu jumladan davolovchi shifokor ko‘rsatmalarini bajarish/bajarmaslik uchun.

6.2.4. Laboratoriya tekshiruvlariga tayyorgarlik qoidalariga rioya qilish uchun; agar Bemor ushbu qoidalarga rioya qilmasligi natijasida tahlil natijalari buzilsa, Klinika ularning aniqligi uchun javobgar hisoblanmaydi.

6.3. Agar Bemor mazkur Shartnoma bo‘yicha o‘z majburiyatlarini buzsa va bu buzilishlar tibbiy yordam ko‘rsatishdagi kamchiliklar yoki zarar kelib chiqishiga sabab bo‘lsa, Klinika ushbu Shartnoma bo‘yicha majburiyatlarni bajarmaganligi yoki lozim darajada bajarmaganligi uchun javobgarlikdan ozod qilinadi.

7.1. Tomonlar o‘z majburiyatlarini bajarmaslik yoki lozim darajada bajarmaslik bilan bog‘liq nizolarni imkon qadar muzokaralar yo‘li bilan hal etadilar. Agar tomonlar kelishuvga erisha olmasa, nizolar O‘zbekiston Respublikasi amaldagi qonunchiligiga muvofiq tartibda ko‘rib chiqiladi.

7.2. Tomonlar mazkur Shartnoma bo‘yicha majburiyatlarni bajarmaslik yoki lozim darajada bajarmaslik uchun javobgarlikdan fors-major holatlari sabab ozod qilinadi. Bular jumlasiga: yong‘in, zilzila, suv toshqini, falokatlar, harbiy harakatlar, davlat organlari va sud qarorlari, kasallik va boshqa patologik holatlar (tomonlarga ma’lum bo‘lmagan va ushbu shartnoma amal qilishi davomida aniqlanmagan, tibbiyot standartlari va protokollarida aniqlanishi nazarda tutilmagan), shuningdek zamonaviy tibbiyot fanining rivojlanish darajasida oldindan aniq prognoz qilish, tashxislash va oldini olish imkoni bo‘lmagan holatlar, hamda boshqa yengib bo‘lmaydigan holatlar va ularning oqibatlari kiradi. Shuningdek, Klinikaning to‘lov majburiyatlari buzilishi bilan bog‘liq bo‘lmagan holda Klinikada elektr energiyasi yoki suv ta’minotining kelishilmagan uzilishi ham shu holatlarga kiradi.

8.1. Agar Bemor Klinikada ko‘rsatilgan xizmatlarning sifati, tezligi yoki to‘liqligi bo‘yicha e’tiroz bildirmoqchi bo‘lsa, u xizmat olingan kundan boshlab 7 (yetti) kalendar kun ichida reklamasiyani taqdim etish huquqiga ega.

8.2. Klinika Shartnoma, Prays-list, tibbiy xizmatlar ro‘yxati hamda tibbiy xizmat ko‘rsatish shartlari va qoidalarini bir tomonlama tartibda o‘zgartirish huquqiga ega. O‘zgartirishlar haqida Buyurtmachi Klinikaning axborot stendlari va rasmiy veb-sayti orqali xabardor qilinadi.

8.3. Bemor tibbiy xizmatlardan voz kechgan taqdirda, tomonlar Shartnoma (yoki uning qismi) bo‘yicha yakuniy hisob-kitobni amalga oshiradilar. Bunda Buyurtmachi haqiqatda ko‘rsatilgan xizmatlar uchun to‘lovni amalga oshiradi hamda Shartnomani bekor qilish natijasida Klinika tomonidan amalga oshirilgan haqiqiy xarajatlarni qoplaydi.

9.1. Mazkur Shartnoma bo‘yicha maxfiy ma’lumot deb Bemorning tibbiy yordam olish uchun murojaat qilganligi fakti, laboratoriya tekshiruvlari natijalari, shuningdek amaldagi qonunchilikka muvofiq maxfiy deb hisoblanadigan boshqa ma’lumotlar tan olinadi.

9.2. Maxfiy ma’lumotlar Buyurtmachi (Bemor)ning yozma roziligi bilan, shuningdek mazkur Shartnoma va O‘zbekiston Respublikasi qonunchiligida nazarda tutilgan hollarda uchinchi shaxslarga taqdim etilishi mumkin.

9.3. Tomonlar mazkur Shartnoma shartlarini bajarish jarayonida olingan barcha ma’lumotlarning maxfiyligini saqlash majburiyatini o‘z zimmalariga oladilar.

9.4. Mazkur Shartnoma shartlarini qabul qilish orqali Buyurtmachi O‘zbekiston Respublikasi “Shaxsiy ma’lumotlar to‘g‘risida”gi Qonuniga muvofiq Klinika va uning vakolatli xodimlariga o‘zining shaxsiy, maxsus va biometrik ma’lumotlarini qayta ishlashga rozilik beradi.

9.5. Shaxsiy ma’lumotlarni qayta ishlash maqsadi Klinikaning faoliyat yo‘nalishiga muvofiq, mazkur Ommaviy oferta-shartnoma asosida tibbiy xizmatlar ko‘rsatish hisoblanadi.

10.1. Agar Bemor Buyurtma varaqasida ko‘rsatilgan muayyan tibbiy xizmatlar yakuniga qadar Klinikaga yozma e’tiroz bildirmasa, xizmat to‘liq va lozim darajada ko‘rsatilgan deb hisoblanadi.

10.2. Buyurtmachi (Bemor) Klinika hududida telefon suhbatlari yozib olinishi, shuningdek tibbiy faoliyat sifatini ichki nazorat qilish va xavfsizlikni ta’minlash maqsadida ochiq video kuzatuv (video va audio yozuv) amalga oshirilishiga rozilik bildiradi. Bu xavfsizlik, tibbiy xizmatlar ko‘rsatishda bemorlar va xodimlar huquqlarini himoya qilish, murakkab klinik holatlarni qayd etish hamda tibbiy aralashuvlarni hujjatlashtirish uchun amalga oshiriladi. Klinika video va audio yozuvlar mazmuni oshkor etilmasligi, uchinchi shaxslarga berilmasligi yoki tarqatilmasligini kafolatlaydi. Yozuvlar faqat Klinika hududida, cheklangan kirish huquqiga ega maxsus elektron tashuvchilarda saqlanadi.

10.3. Agar mazkur Shartnomaning biror qismi yoki bir nechta qismi haqiqiy emas, qonunga zid yoki ijro etilishi mumkin emas deb topilsa, bu holat Shartnomaning qolgan qismi va qoidalarining amal qilishiga ta’sir qilmaydi.

«DEFACTUM LABORATORIES» MChJ
Yuridik manzil: Toshkent sh., Mirabad tumani, Avliyoota ko‘chasi, 1-2
STIR (INN): 201589828
Hisob raqami: 20208000300566809001
Bank: AO “ASAKABANK”, Yunusobod filiali
MFO: 00873

4.3.1. Klinikaning axborot tizimida oldingi murojaatni tasdiqlovchi ma’lumotlar mavjud bo‘lmagan taqdirda, Bemor ushbu murojaat ayni shifokorga va ayni tibbiy holat bo‘yicha ekanligini tasdiqlovchi hujjatli yoki boshqa ruxsat etilgan dalillarni taqdim etishi shart. Faqat shu shartlar bajarilgandagina konsultatsiya takroriy deb tan olinadi. Ushbu tartib bo‘yicha murojaat qilish muddati 2 (ikki) oydan oshmasligi lozim.

4.3. Tashxisni aniqlashtirish va/yoki tayinlovlarni olish (tuzatish) maqsadida shifokor-mutaxassisga takroriy murojaat, agar Bemor oxirgi konsultatsiyadan so‘ng 14 (o‘n to‘rt) kalendar kun ichida ayni bir tibbiy holat bo‘yicha murojaat qilsa, “takroriy konsultatsiya” tarifi bo‘yicha to‘lanadigan xizmat sifatida hisoblanadi. Boshqa hollarda, agar vaqt oralig‘i ushbu muddatdan oshsa, lekin shifokor tomonidan belgilangan yoki individual tartibda aniqlangan takroriy murojaat davri mavjud bo‘lsa, bunday murojaat ham takroriy deb tan olinishi mumkin.

4.2. Mazkur Shartnoma bo‘yicha xizmatlar uchun to‘lov, agar tomonlar o‘rtasida qo‘shimcha kelishuvda boshqacha tartib nazarda tutilmagan bo‘lsa, xizmat ko‘rsatilishidan oldin 100% oldindan to‘lov asosida Buyurtmachi tomonidan amalga oshiriladi. To‘lov naqd pul shaklida (O‘zbekiston so‘mida), Klinika kassasi orqali bank plastik kartasi bilan, bank o‘tkazmasi orqali Klinikaning hisob raqamiga yoki qonun bilan taqiqlanmagan boshqa usullar bilan amalga oshiriladi.

3.3.4. Tibbiy xizmatlar ko‘rsatishda ishtirok etayotgan Klinika shifokor-mutaxassisi tashxisni aniqlashtirish va optimal davolash usulini tanlash maqsadida Bemorni boshqa mutaxassisga yuborish huquqiga ega.

3.3.5. Klinikada Bemor uchun tibbiy xizmatlarni ko‘rsatish imkoni bo‘lmagan hollarda, shu jumladan Bemor tomonidan tibbiy xodimlar talablarini bajarmaslik, Bemorda davolash-diagnostika tadbirlarini o‘tkazishga qarshi ko‘rsatmalar aniqlanishi, shuningdek organizm xususiyatlari aralashuvni xavfli yoki samarasiz qiladigan holatlarda tibbiy xizmat ko‘rsatishni rad etish huquqiga ega.

1.7. Birlamchi konsultatsiya — Bemorning muayyan tibbiy holati bo‘yicha Klinika shifokor-mutaxassisi tomonidan ko‘rsatiladigan birinchi konsultatsiya bo‘lib, uning davomida dastlabki ko‘rik, sog‘liq holatini baholash, dastlabki yoki yakuniy tashxisni qo‘yish (aniqlashtirish), shuningdek davolash taktikasini belgilash yoki qo‘shimcha tekshiruvlar zarurligini aniqlash amalga oshiriladi.

1.9. Agar Buyurtmachi va Bemor bitta shaxs bo‘lsa, mazkur Shartnoma matnida “Bemor” va “Buyurtmachi” atamalari teng kuchga ega bo‘lib, ular birgalikda ham, alohida ham qo‘llanilishi mumkin.

1.8. Takroriy konsultatsiya — birlamchi konsultatsiya yoki oldingi takroriy konsultatsiyadan so‘ng belgilangan vaqt oralig‘ida Klinika tomonidan ayni shu shifokor-mutaxassis tomonidan o‘sha tibbiy holat yuzasidan o‘tkaziladigan konsultatsiya bo‘lib, tashxisni aniqlashtirish, belgilangan davolashni tuzatish, Bemor holati dinamikasini baholash va/yoki avval tayinlangan tekshiruv natijalarini ko‘rib chiqish maqsadida amalga oshiriladi.

2.1. Mazkur Shartnoma Klinika tomonidan pullik tibbiy xizmatlar ko‘rsatish shartlari va tartibini belgilaydi.

2.2. Buyurtmachi topshiradi, Klinika esa Shartnomaning 1.1-bandida ko‘rsatilgan tibbiy faoliyatni amalga oshirish litsenziyasiga muvofiq Bemor uchun tibbiy xizmatlar ko‘rsatishni o‘z zimmasiga oladi.

2.3. Tibbiy xizmatlar ro‘yxati shifokor yo‘llanmasida ko‘rsatiladi yoki Buyurtmachi tomonidan mustaqil ravishda belgilanadi. Bemor uchun Klinika tomonidan ko‘rsatiladigan tibbiy xizmatlar qiymati Klinika tomonidan tasdiqlangan xizmatlar nomi va narxlariga muvofiq, amaldagi Prays-list asosida belgilanadi.

Tijorat takliflari

Copyright © 2026, De factum. Barcha huquqlar himoyalangan